Agabadabra dúllum dæ

Jæja hvað segið þið um það, er það hægt? Ég fékk þessa spurningu þegar ég var að sína fjögurra ára börnum hvernig maður fer með myndavél og við vorum einnig að ræða um hvað við gætum tekið mynd af. Krakkarnir fá oft að vera með myndavélina og taka mynd af því sem þau vilja. Eftir á tölum við svo um hvað þau voru að tak myndir af. Þá kom oft upp skemmtileg augnablik og fyndnar athugasemdir frá þeim.

það hefur verið svo mikið að gera hjá mér að ég hef ekki gefið mér tíma til að skrifa hér. Ég var að ljúka við ritgerð um hvernig leikskólabörn og starfmenn gætu notað stafrænar frásagnir i leikskólanum. Inn í það fléttast ótrúlega margt, allt frá einfaldri mynd sem er prentuð út og hengd á vegg, og til kvikmyndar og eða animasjon mynd sem hægt er að sýna í samverustund og á foreldrafundum, og eða bara til að hafa gaman af á myndaskermi.

Næsta verk er svo að halda kynningu fyrir stafsmenn leikskólans, i hvernig hægt er að nota myndbandsvél til að skrásetja og til skemmtunar í starfi leikskólans. Ekki síst hvernig á að vinna úr myndunum og nota þær. þetta er einnig lokaverkefnið mitt i skólanum og á ég að skila því í desember. Þetta tekur mikinn tíma sérstaklega þar sem ég læt allar deildir hafa verkefni sem þær eiga að skila af sér fyrir ákveðin tíma og ég þarf að lesa úr þeim og taka viðtal við þá aðila sem framkvæma verkefnin.

Með þessu er svo foreldrafundir með myndasýningu, sumarhátíð, foreldrasamtöl, o.sfr.

jæja en þetta er bara svo gaman og ef maður skipuleggur sig vel og deilir verkefnum til annarra þá gengur þetta fínt.

En svo að sjónvarpsmálum. Ég fór að skoða sjónvörp í gær og sjónvarp sem ég vil kosta 18000 norskar. En sennileg verður niðurstaðan að ég kaupi eitt á 8000 kr. norskar. (kannnnnnnnski)

þetta er nú orðið nokkuð gott i bili.........er það ekki

já það er enn og aftur komið nýtt ár. Jólin eru búinn að vera yndisleg. Við vorum nú bara þrjú hérna á Þorláksmessu og aðfangadag. Börnin voru hjá pabba sínum. Venjulega þegar við borðum saman taka börnin mikinn þátt í að laga matinn. Það tekur aðeins lengri tíma með hjálp þeirra en af tíma höfum við nóg. Nú voru þau ekki hérna á aðfangadag, en ég byrjaði samt á svipuðum tíma að dúlla með matinn, og af einhverjum orsökum var maturinn tilbúinn MJÖG snemma. Þegar klukkan var 17:15 sátum við í sófanum inni í stofu búinn að borða OG ganga frá. Við litum á hvort annað og sögðum "eigum við að opna pakkana" Klukkan er ekkert. ....við gerðum það .......Það gekk fljótt......eftir að hafa spilað á spil, horft á sjónvarp í góða stund stóð ég upp og ætlaði að fara að sofa "heyrðu mamma mín sagði Guðrún, þú munt vakna um miðja nótt ef þú ferð að sofa núna hún klukkan er bara hálf átta".    

Jæja ég ætla að vona að tímaskin mitt verði betra á nýju ári.

Og til ykkar allra óska ég ykkur gleðilegs árs og farsældar á nýju ári

það að finna sökudólginn í þessari fjármálakreppu virðist vera það mikilvægasta um þessar mundir. Það virðist sem tíðin endurtaki sig í sífellu og nornaveiðar eru hafnar á ný. Og ef við þurfum endilega að finna sökudólg þá ættum við að stoppa örlítið og líta í eigin barm. Við höfum lifað um efni fram i mörg ár og erum að kenna á því núna.

• Allir sem hafa kreditkort: Lifa um efni fram og eru þar af leiðandi sökudólgar
• Allir sem hafa lán: Lifa um efni fram og eru þar af leiðandi sökudólgar.

Þegar búið er að kasta öllum þessum á galdrabrennuna. (að mér meðtaldri)  Hverjir eru þá eftir?

Það er afar sorglegt að einu fréttirnar sem maður heyrir frá Íslandi eru "Harmakvein og óeirðir". Kannski Bretarnir höfðu rétt í að við erum "hryðjuverkamenn".

Nú reynir á sem aldrei fyrr að við stöndum saman, hvar sem við erum stödd í stjórnmálum og finnum lausn á vandanum. En ekki einblína á vandann sjálfan. Við vitum hvað vandamálið er, lausnina þurfum við að finna saman.

 Ein í ham.

  Nú er ég alveg á haus í verkefnum. Það verður haldið upp á fimm ára afmæli leikskólans, og ég er að vinna með allar myndir sem hafa verið teknar af stafsmönnum leikskólans. Ég set þær upp í Photo Story og einnig i PhotoShop. Þetta er ótrúleg vinna og myndirnar um 600 talsins. Svo er ég einnig að vinna að prófverkefni fyrir háskólann. það er skráning með myndbandi sem ég fullvinn i Windows Movie Maker. Þessu öllu þarf að vera lokið fyrir næstu helgi. Svo hef ég verið að gera Animasjon myndband. það set ég hérna þegar ég er búinn með það. það er einnig skóla verkefni.

Núna er ég á hótelherbergi í Stavangers lille Hotel í Stavanger. Kennarinn i háskólanum kallar okkur saman fjarnema til að skerpa á lærdómnum og að gefa okkur tækifæri til að vinna saman í hópum og kynnast innbyrðis sem eru í þessu námi. Þetta er allt mjög spennandi, en einnig mjög krefjandi.

Annars er nú bara allt gott að frétta.